Siddhi Hande
जेवताना अनेकजण भाजीसोबत चपाती किंवा भाकरी खातात. तुम्ही कधी फुलके खाल्लेत का?
फुलके हे पचायला खूप हलके असतात. याचसोबत फुलक्यांना तेल लावत नाही त्यामुळे शरीरासाठीही चांगले असतात.
फुलके बनवण्याची रेसिपी खूप सोपी आहे. यासाठी फक्त ४ गोष्टी लागतात.
गव्हाचे पीठ, पाणी, मीठ, तेल किंवा तूप
सर्वात आधी तुम्हाला परातीत गव्हाचे पीठ घ्यायचे आहे. त्यात मीठ टाका आणि मिक्स करा.
या पीठात थोडे तेल किंवा तूप टाका आणि पाणी टाकून छान मळून घ्या.
पीठ मळल्यानंतर ते १०-१५ मिनिटे झाकून ठेवा. जेणेकरुन फुलके मऊ होतील.
या पीठाचे लहान गोळे करुन घ्या. त्यावर सुकं पीठ लावा. यानंतर पातळ फुलके लाटून घ्या.
तुम्ही फुलके तवा किंवा गॅसवर भाजू शकतात. सर्वात आधी तव्यावर दोन्ही बाजूने भाजून घ्या.
यानंतर फुलका चिमट्याने धरुन दोन्ही बाजूने गॅसवर भाजून घ्या. हे फुलके छान फुगतील.
फुलके तुम्ही भाजी किंवा आमटीसोबत खाऊ शकतात.
Next: बम बम भोले! महाशिवरात्रीला घरीच बनवा ५ मिनिटांत थंडगार केसर थंडाई