Shreya Maskar
सकाळी नाश्त्याला चटपटीत खावेसे वाटत असेल तर शेंगदाण्याची ओली चटणी बनवून ठेवा. डोसा, वडा, इडली, पराठा यांसोबत ही चटणी स्वादिष्ट लागले.
सकाळच्या नाश्त्याची रंगत वाढवण्यासाठी शेंगदाण्याची ओली चटणी बनवा. डोसा,वडा,इडलीसोबत चटणीचा आस्वाद घ्या.
शेंगदाण्याची ओली चटणी बनवण्यासाठी शेंगदाणे, लाल सुक्या मिरच्या, हिरवी मिरची, काळी मिरी, जिरे, चिंच, साखर, मीठ, कोथिंबीर आणि पाणी इत्यादी साहित्य लागते.
शेंगदाण्याची ओली चटणी बनवण्यासाठी सर्वप्रथम गॅसवर पॅन गरम करून शेंगदाणे, लाल सुक्या मिरच्या घालून भाजून घ्या. शेंगदाणे जळणार नाही याची काळजी घ्या.
मिक्सरच्या भांड्यात भाजलेले शेंगदाणे, लाल सुक्या मिरच्या, हिरवी मिरची, काळी मिरी, जिरे, चिंच, चवीनुसार साखर - मीठ आणि कोथिंबीर घालून पेस्ट तयार करा.
चटणी जास्त पातळ किंवा घट्ट होणार नाही याची काळजी घ्या. त्याप्रमाणे पाणी मिक्सरमधील मिश्रणात मिक्स करा.
तुम्ही शेंगदाण्याच्या चटणीत थोडी चव वाढवण्यासाठी काजूची पेस्ट देखील टाकू शकता. जेणेकरून लहान मुलं देखील आवडीने खातील.
शेंगदाण्याची ओली चटणी हवाबंद डब्यात स्टोर करा. जेणेकरून ती एक आठवडा फ्रिजमध्ये चांगली टिकेल.