Shruti Vilas Kadam
२ कप पास्ता, १ कप दूध, १ चमचा बटर, १ चमचा मैदा, १/२ कप चीज, १ कांदा, १ ढोबळी मिरची, २-३ लसूण पाकळ्या, चिली फ्लेक्स, ओरिगॅनो, मीठ आणि मिरीपूड घ्या.
एका भांड्यात पाणी उकळून त्यात मीठ आणि थोडे तेल घाला. त्यानंतर पास्ता ८ ते १० मिनिटे शिजवून गाळून बाजूला ठेवा.
पॅनमध्ये बटर गरम करून त्यात बारीक चिरलेला लसूण, कांदा आणि ढोबळी मिरची हलकी परतून घ्या. आवडीनुसार कॉर्न किंवा मशरूमही घालू शकता.
त्याच पॅनमध्ये मैदा घालून हलके भाजा. नंतर हळूहळू दूध घालत ढवळा. मिश्रण घट्ट झाल्यावर त्यात चीज, मीठ आणि मिरीपूड मिसळा.
उकडलेला पास्ता तयार व्हाईट सॉसमध्ये घाला आणि सर्व साहित्य नीट एकजीव होईपर्यंत हलक्या हाताने मिक्स करा.
ओरिगॅनो, चिली फ्लेक्स आणि थोडे मिक्स्ड हर्ब्स घालून पास्त्याची चव अधिक स्वादिष्ट करा. आवडत असल्यास वरून आणखी चीजही किसून घालू शकता.
तयार झालेला क्रीमी पास्ता गरमागरम सर्व्ह करा. सोबत गार्लिक ब्रेड किंवा टोस्ट दिल्यास चव आणखी वाढते. हा पास्ता मुलांपासून मोठ्यांपर्यंत सर्वांनाच आवडेल.