Saam Tv
आजच्या डिजिटल युगात मुले मोबाईल आणि गॅझेटवर जास्त वेळ घालवतात त्यामुळे त्यांची शारीरिक हालचाल कमी होते आणि याचा वाईट परिणाम त्यांच्या तब्बेतीवर होतो.
अशा परिस्थितीत मुलांचा स्क्रीन टाइम कमी करणे आणि त्यांना मजेदार फिटनेस करायला लावणे महत्वाचे आहे, जेणेकरून मुलं तंदुरुस्त आणि त्यांचे हृदय निरोगी राहील. यासाठी तुम्ही या काही सोप्या टिप्स फॉलो करू शकता.
मुलांच्या आवडत्या गाण्यांवर दर आठवड्याला लहान मुलांची घरगुती डान्स पार्टी आयोजित करा.यामुळे मुलांना मित्रांसोबत वेळ घालवता येईल,मुले अॅक्टिव्ह होतील.
अभ्यासाच्या वेळेसोबतच दिवसभरातून कमीतकमी १ तास मुलांना बाहेर खेळू द्यावे. क्रिकेट, फुटबॉल, लपाछपी इ.
यावेळेत मुलांना अभ्यासाव्यतिरिक्त अन्य पुस्तक वाचण्यासाठी प्रोत्साहन द्या.खास लहान मुलांसाठी डिझाईन केलेली मासिके, पुस्तके मुलांना वाचायला द्या
मुलांचे मन साहसी खेळांमध्ये गुंतवा. मुलांसोबत ट्रेकिंग किंवा स्केटिंगला जा.यामुळे त्यांची भीती कमी होईल अन् मुले धाडसी होतील
मुलांना बागकामात सहभागी करून घ्या, झाडांना पाणी देणे, छाटणी करणे, जपणे यामुळे मुलांमधील आक्रमकता कमी होऊन, काळजी, प्रेम यांसारख्या भावना उमलू लागतील.
वेळात वेळ काढून मुलांशी गप्पा मारा.अवांतर विषय नवीन अनुभव,गोष्टी मुलांबरोबर शेअर करा. मुलांना त्यांच्या मनातले बोलू द्या यामुळे मुलांचे आणि पालकांचे बॉण्डिंग वाढेल, मुलं संवादकौशल्य शिकतील.