Shruti Vilas Kadam
२५० ग्रॅम पनीर, १ कांदा, १ शिमला मिरची, ४-५ लसूण पाकळ्या, १ टीस्पून आले, २ हिरव्या मिरच्या, २ टेबलस्पून कॉर्नफ्लोअर, १ टेबलस्पून मैदा, सोया सॉस, चिली सॉस, टोमॅटो केचप, व्हिनेगर, मीठ, मिरपूड आणि तेल.
पनीरचे चौकोनी तुकडे करून त्यात कॉर्नफ्लोअर, मैदा, मीठ, मिरपूड आणि थोडे पाणी घालून हलके मॅरिनेट करा. १५ मिनिटे तसेच ठेवा.
कढईत तेल गरम करून मॅरिनेट केलेले पनीर सोनेरी रंग येईपर्यंत हलके तळून घ्या. हवे असल्यास एअर फ्रायरमध्येही तयार करू शकता.
त्याच कढईत थोडे तेल घालून लसूण, आले, हिरवी मिरची, कांदा आणि शिमला मिरची मोठ्या आचेवर २ ते ३ मिनिटे परतून घ्या. भाज्यांचा कुरकुरीतपणा कायम ठेवा.
भाज्यांमध्ये सोया सॉस, चिली सॉस, टोमॅटो केचप आणि थोडे व्हिनेगर घाला. कॉर्नफ्लोअर पाण्यात मिसळून घातल्यास ग्रेव्हीला छान घट्टपणा येतो.
तळलेले पनीर सॉसमध्ये घालून हलक्या हाताने टॉस करा. सर्व मसाले आणि सॉस पनीरला व्यवस्थित लागतील याची काळजी घ्या.
स्प्रिंग ऑनियनने सजवून पनीर चिली गरमागरम सर्व्ह करा. फ्राईड राईस, हक्का नूडल्स किंवा मंच्युरियनसोबत याची चव आणखी खुलते.