Shreya Maskar
श्रावण महिन्यात दर सोमवारी भगवान शंकराला पंचामृताचा अभिषेक करणे अत्यंत पवित्र आणि विशेष फलदायी मानले जाते. घरी सिंपल आणि टेस्टी पंचामृत कसे बनवावे , जाणून घेऊयात.
पंचामृत बनवण्यासाठी तूप, मध, साखर, दही आणि दूध इत्यादी साहित्य लागते. तुम्ही यात तुळशीची पाने, गंगाजल देखील टाकू शकता.
पंचामृत बनवण्यासाठी चांदी, पितळ किंवा तांब्याचे भांडे वापरणे सर्वात शुभ मानले जाते. जर ही भांडी उपलब्ध नसतील, तर काचेचे किंवा सिरॅमिकचे भांडे वापरा.
एका भांड्यात १ कप कच्चे दूध घ्या आणि त्यात साखर मिसळा. त्यात अर्धा चमचा शुद्ध तूप आणि १ चमचा मध घाला.
ताजे दही हलकेच फेटून घ्या आणि ते दुधाच्या मिश्रणात सतत ढवळत हळूहळू घाला. शेवटी, ४-५ स्वच्छ तुळशीची पाने, थोडे गंगाजल मिक्स करा.
अशाप्रकारे शुद्ध, स्वादिष्ट आणि परिपूर्ण पंचामृत प्रसाद तयार झाले. श्रावणात ही रेसिपी नक्की ट्राय करा.
गरम किंवा कोमट दुधात कधीही दही किंवा मध घालू नका. गरम दुधात दही घातल्यास पंचामृत लगेच फाटते.
पंचामृतसाठी फक्त ताजे आणि गोड दही वापरा. आंबट दह्यामुळे संपूर्ण प्रसादाची चव बिघडेल.