Shreya Maskar
उद्या श्रावणाचा पहिला सोमवार आहे. नैवेद्यामध्ये खास कलाकंद बनवा. कलाकंद बनवण्यासाठी दूध, लिंबाचा रस, गूळ, वेलची पूड, बदाम, पिस्ता इत्यादी साहित्य लागते.
कलाकंद बनवण्यासाठी सर्वप्रथम दूध एका जाड बुडाच्या भांड्यात ओता आणि मध्यम आचेवर गरम करा. ते तळाला चिकटू नये म्हणून अधूनमधून ढवळत राहा, दूध थोडे घट्ट होईपर्यंत शिजवा.
दुधात थोडा थोडा लिंबाचा रस घाला आणि हळू हळू ढवळा. थोड्या वेळाने दूध नासेल. मग, ते कापडातून गाळून घ्या आणि जास्तीचे पाणी काढून टाका.
आता तयार झालेले मिश्रण परत घट्ट झालेल्या दुधात मिसळा आणि मंद आचेवर शिजवा. गूळ पावडर आणि वेलची पूड घालून सतत ढवळत राहा.
जेव्हा मिश्रण घट्ट होईल आणि भांड्याला चिकटणे बंद होईल, तेव्हा गॅस बंद करा. लक्षात घ्या हे सर्व करताना गॅस मध्य आचेवर ठेवा.
कलाकंदचे मिश्रण एका ताटात किंवा भांड्यात थोडे तूप लावून पसरवा. त्यावर बदाम आणि पिस्त्याचे बारीक काप पसरवून हलकेच दाबून घ्या.
कलाकंद सेट होण्यासाठी फ्रिजमध्ये काही तास ठेवून द्या. हलवाई स्टाईल कलाकंद फक्त १५ मिनिटांत तयार झाला आणि यासाठी तुम्हाला मावाची गरजही भासणार नाही.
कलाकंदसाठी नेहमी ताजे दूध वापरा. दूध शिजवताना सतत ढवळत राहा; यामुळे चव सुधारते. साखरेला पर्याय म्हणून गूळ, खजूर यांचा वापर तुम्ही करू शकता.