Shreya Maskar
वीकेंडला कुटुंबासोबत किंवा मित्रमंडळींसोबत एक दिवसाची छोटी ट्रिप प्लॅन करायची असेल, तर पालघर जिल्ह्यात अनेक सुंदर समुद्रकिनारे, धबधबे आणि निसर्गरम्य ठिकाणे आहेत.
पालघरमधील लोकप्रिय समुद्रकिनाऱ्यांपैकी एक म्हणजे केळवा बीच. समुद्राच्या लाटांचा आनंद घेण्यासाठी आणि मित्रांसोबत पिकनिक करण्यासाठी हे उत्तम ठिकाण आहे. किनाऱ्यालगत असलेली सुरूची झाडे आणि सुंदर निसर्ग मन प्रसन्न करतात.
शहराच्या गर्दीपासून दूर शांत वातावरणात वेळ घालवायचा असेल, तर शिरगाव बीचला भेट द्या. पालघर शहरापासून जवळ असलेला हा समुद्रकिनारा निवांत फिरण्यासाठी आणि सूर्यास्त पाहण्यासाठी चांगला पर्याय आहे. समुद्रकिनाऱ्याजवळ ऐतिहासिक शिरगाव किल्लाही पाहता येतो.
डोंगररांगा, पाण्याचा परिसर आणि हिरवळ यामुळे देवखोप धरणाजवळ छान वातावरण अनुभवता येते. मित्र किंवा कुटुंबासोबत पिकनिकचा आनंद घ्यायला वीकेंडला नक्की जा.
जव्हार परिसरातील दाभोसा धबधबा हा निसर्गप्रेमींसाठी खास आकर्षण आहे. उंचावरून कोसळणारा धबधबा, आजूबाजूच्या डोंगररांगा आणि हिरवागार परिसर यामुळे येथे सुंदर दृश्य पाहायला मिळते.
बोईसरजवळील नांदगाव बीच हा तुलनेने शांत समुद्रकिनारा आहे. येथे समुद्राची हवा, मोकळा किनारा आणि मासेमारी करणाऱ्या स्थानिक गावाचे वातावरण अनुभवता येते.
पालघरजवळील वडराई बीच हा तुलनेने कमी गजबजलेला समुद्रकिनारा आहे. समुद्रकिनाऱ्यावर निवांत फेरफटका मारणे, समुद्राची हवा अनुभवणे आणि सूर्यास्त पाहणे यासाठी हे ठिकाण छान आहे. मात्र, येथे पर्यटकांसाठी सुविधा मर्यादित असू शकतात.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.