Shruti Vilas Kadam
ओट्समध्ये भरपूर फायबर, प्रोटीन आणि आवश्यक पोषक घटक असतात. त्यामुळे पोट जास्त वेळ भरलेले राहते आणि वजन नियंत्रणात ठेवण्यास मदत होते.
ओट्स पावडर, बेसन, बारीक चिरलेला कांदा, टोमॅटो, हिरवी मिरची, कोथिंबीर, किसलेले गाजर, हळद, तिखट, जिरे, मीठ आणि पाणी.
सर्व साहित्य एका भांड्यात एकत्र करून त्यात आवश्यकतेनुसार पाणी घालावे. गाठी न राहता मध्यम घट्टसर पीठ तयार करून १० मिनिटे झाकून ठेवावे.
गरम तव्यावर थोडे तेल लावून तयार पीठ गोल आकारात पसरावे. दोन्ही बाजूंनी सोनेरी रंग येईपर्यंत भाजून घ्यावे.
ओट्स चिल्ला हिरवी चटणी, दही, टोमॅटो सॉस किंवा पुदिन्याच्या चटणीसोबत खाल्ल्यास अधिक चविष्ट लागतो.
ही रेसिपी कमी तेलात तयार होते. फायबर आणि प्रोटीनमुळे पचन सुधारते, ऊर्जा मिळते आणि दीर्घकाळ भूक लागत नाही.
सकाळच्या नाश्त्यासाठी किंवा संध्याकाळच्या हलक्या खाण्यासाठी ओट्स चिल्ला हा झटपट तयार होणारा, पौष्टिक आणि चवदार पर्याय आहे.