Sakshi Sunil Jadhav
दाल माखनी ही बनवायला सर्वात सोपी रेसिपी आहे. फक्त तुम्ही त्याचं योग्य प्रमाण जाणून घेतलं पाहिजे.
1 कप उडीद डाळ, दीड कप राजमा, 2 कांदे, 2 टोमॅटो, 1 चमचा आलं-लसूण पेस्ट, बटर, क्रीम, तेल, मीठ, तिखट आणि गरम मसाला घ्या.
उडीद डाळ आणि राजमा स्वच्छ धुवून किमान 8 तास किंवा रात्रभर पाण्यात भिजत ठेवा, त्यामुळे ते लवकर शिजतात.
भिजलेली डाळ-राजमा कुकरमध्ये घेऊन पाणी आणि थोडे मीठ घाला आणि 5 ते 6 शिट्ट्या होईपर्यंत चांगले शिजवून घ्या.
कुकरचे झाकण उघडल्यानंतर डाळ-राजमा हलकेच मॅश करा. कढईत तेल आणि थोडे बटर गरम करून बारीक चिरलेला कांदा परता, त्यानंतर आलं-लसूण पेस्ट आणि टोमॅटो घालून मिश्रण चांगले शिजवा.
मसाला शिजल्यानंतर त्यात लाल तिखट, गरम मसाला आणि चवीनुसार मीठ घालून सर्व साहित्य व्यवस्थित एकत्र करा.
आता शिजवलेली डाळ आणि राजमा मसाल्यात घालून आवश्यकतेनुसार पाणी मिसळा आणि मंद आचेवर चांगले उकळू द्या.
दाल माखनीवर थोडे बटर आणि क्रीम घालून नान, रोटी, पराठा किंवा जीरा राईससोबत गरमागरम सर्व्ह करा.