Manasvi Choudhary
घराची साफसफाई करताना भिंतींच्या कोपऱ्यांमध्ये, सिलिंगवर आणि खिडक्यांच्या बाजूला कोळ्यांचे जाळे जमा झालेले दिसतात.
परंतु कितीही साफसफाई केली तरी कोळी पुन्हा तिथेच जाळे विणतात. कोळ्यांना मारून टाकण्याऐवजी काही नैसर्गिक आणि घरगुती उपायांच्या मदतीने त्यांना कायमचे दूर ठेवता येऊ शकते.
बाजारात मिळणाऱ्या रासायनिक स्प्रेऐवजी तुम्ही घरगुती सोपे उपाय करा. कोळी पळवण्याचे ५ सोपे आणि प्रभावी घरगुती उपाय वाचा.
व्हिनेगरचा वास कोळ्यांना अजिबात सहन होत नाही. एका स्प्रे बॉटलमध्ये पाणी आणि पांढरे व्हिनेगर समान प्रमाणात मिसळून हा स्प्रे भिंतींच्या कोपऱ्यांवर आणि कोळ्यांच्या जागी फवारावा.
कापराचा उग्र वास जसा घरात प्रसन्नता आणतो, तसाच तो किटक आणि कोळ्यांना दूर ठेवण्यास मदत करतो. घराच्या कोपऱ्यांमध्ये कापराच्या वड्या किंवा गोळ्या ठेवल्याने कोळी त्या भागात येत नाहीत.
लिंबू किंवा संत्र्याच्या सालीमध्ये असणारे सायट्रिक ॲसिड कोळ्यांना दूर ठेवते. सालीचा रस किंवा त्याचे पाणी स्प्रे बॉटलमध्ये भरून कोळ्यांच्या आश्रयस्थानांवर फवारावे.
पेपरमिंट ऑइल हा कोळी पळवण्यासाठी एक उत्तम नैसर्गिक उपाय आहे. पाण्यात पुदिन्याच्या तेलाचे काही थेंब टाऊन स्प्रे तयार करा आणि भितींवर किंवा कोपऱ्यांमध्ये मारा.
कोळ्यांना दूर ठेवण्यासाठी घराची नियमित साफसफाई करणे आणि कोपऱ्यांमधील जाळे वेळोवेळी झटकून काढणे सर्वात प्रभावी ठरते.