Manasvi Choudhary
तांब्याच्या भांड्यात पाणी पिणे आरोग्यासाठी अत्यंत फायदेशीर मानले जाते. याशिवाय देवघरातील पूजेसाठीही तांब्याच्या तांब्या, ताट आणि कळस वापरले जातात.
परंतु ही तांब्याची भांडी काळी लवकर पडतात. तांब्याची भांडी स्वच्छ करण्याच्या काही सोप्या टिप्स या वेबस्टोरीतून जाणून घ्या.
तांबे हा धातू हवेतील ऑक्सिजन आणि ओलाव्याच्या संपर्कात आल्यामुळे खूप लवकर काळा पडतो. काळी पडलेली तांब्याची भांडी पितांबरी किंवा केमिकल घासण्याऐवजी सोप्या टिप्सने स्वच्छ करा.
चण्याचे पीठ आणि व्हिनेगर एकत्र करून घट्ट पेस्ट तयार करा. ही पेस्ट काळ्या पडलेल्या तांब्याच्या भांड्यांवर लावा. ५ ते १० मिनिटांनंतर हलक्या हाताने घासून भांडी पाण्याने धुवून घ्या.
मीठ आणि लिंबाचा रस एकत्र करून ते पाणी तांब्याच्या भांड्यावर टाका किंवा त्यात भांडी १० मिनिटे भिजत ठेवा. त्यानंतर लिंबाच्या सालीने किंवा मऊ कापडाने पुसल्यास काळेपणा झटपट निघून जाईल
मीठ आणि व्हिनेगर एकत्र करून ते मिश्रण काळ्या पडलेल्या भांड्यावर लावा किंवा त्या मिश्रणात भांडी १० मिनिटांसाठी ठेवून द्या. १० मिनिटांनंतर साध्या पाण्याने भांडी धुतल्यास तांब्याला चमक येईल.
गव्हाचे पीठ, हळद आणि लिंबाचा रस एकत्र करून पेस्ट बनवा. ही पेस्ट भांड्यांवर लावून १० मिनिटे ठेवा आणि नंतर साध्या पाण्याने स्वच्छ धुवून वाळवा.