Manasvi Choudhary
रिल्स पाहणे प्रत्येकासाठी काही नवीन नाही. आजकाल घराघरात लहानांपासून ते मोठ्यापर्यंत सर्वजण रिल्स पाहतात.
मोबाईलमध्ये रिल्स पाहताना एकापाठोपाठ येणारे नवीन व्हिडीओ आपण सर्वचजण आवडीने पाहतो.
पण तुम्हाला माहितीये का? रिल्स पाहण्याची ही सवय केवळ तुमचं मनोरंजन करत नाही त्याचा परिणाम आरोग्यावर देखील होतो आहे.
अनेकजण दिवसाच नाही तर रात्री झोपण्यापूर्वी देखील मोबाईलवर रिल्स पाहतात रात्री उशिरा रिल्स पाहिल्यामुळे मोबाईलचा 'ब्लू लाईट' मेंदूला जागृत ठेवतो. यामुळे 'मेलाटोनिन' हार्मोनची निर्मिती घटते आणि झोपमोड होते.
अनेकदा लहान मुलांना आपण मोबाईलमध्ये रिल्स पाहून जेवताना बघितलं असेल पण असे केल्याने त्यांचे लक्ष अन्नावर नसते. यामुळे अन्न नीट चावले जात नाही आणि गॅस, ॲसिडिटी किंवा अपचनाचा त्रास सुरू होतो.
रिल्समध्ये शॉर्ट व्हिडीओ आपण स्क्रोल करतो यावेळी व्हिडीओचा स्पीड अधिक असतो त्याच वेगाने माहिती ग्रहण केल्याने मेंदूवर ताण येतो ज्यामुळे चिडचिड, भीती आणि अस्वस्थता वाटू लागते.
रिल्स पाहणं हे चुकीचे नाही आहे तर तुम्ही रिल्स पाहण्याची वेळ कमी केली पाहिजे. सतत रिल्स बघितल्याने आरोग्याला त्रास होतो.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.