Shreya Maskar
नवरात्रीत उपवासाला आवर्जून कुरकुरीत साबुदाणा वडा बनवा. उपवासाचा साबुदाणा वडा अनेकांना आवडतो आणि तो बनवायला देखील सोपा असतो.
साबुदाणा वडा बनवण्यासाठी साबुदाणा, उकडलेले बटाटे, भाजलेल्या शेंगदाण्याचे जाडसर कूट, हिरव्या मिरच्या, जिरे, कोथिंबीर ,सैंधव मीठ, तेल आणि लिंबाचा रस इत्यादी साहित्य लागते.
साबुदाणा वडा बनवण्यासाठी सर्वप्रथम साबुदाणा स्वच्छ धुऊन त्यातील पाणी काढा. साबुदाणा पाण्यात साधारण ४–६ तास ठेवा. दाणे मऊ असावेत, पण पाण्यात तरंगत नसावेत. तुम्ही साबुदाणा भिजवायला विसरला असाल तर फक्त काही मिनिटे साबुदाणा गरम पाण्यात ठेवा.
भिजवलेल्या साबुदाण्यात मॅश केलेले बटाटे, शेंगदाण्याचा कूट, मिरची, जिरे, कोथिंबीर आणि मीठ घालून चांगले एकत्र करा. मिश्रणाचे समान गोळे करून हलके चपटे वडे बनवा.
पॅनमध्ये तेल मध्यम आचेवर गरम करून त्यात साबुदाणा वडा गोल्डन फ्राय करा. एकदम अनेक वडे टाकू नका. तयार वडे टिश्यू पेपरवर काढा.
गरमागरम आणि कुरकुरीत साबुदाणा वडा दही किंवा उपवासाच्या शेंगदाण्याच्या चटणीसोबत सर्व्ह करा.
साबुदाण्यात जास्त पाणी राहिल्यास मिश्रण सैल होऊ शकते. मिश्रण घट्ट होण्यास आणि वड्यांना चांगला पोत मिळण्यास शेंगदाण्याचे कूट वापरा.
गरम बटाटे वापरल्यास मिश्रण जास्त मऊ होऊ शकते.तेल खूप थंड असल्यास वडे जास्त तेल शोषू शकतात. तसेच खूप गरम असल्यास बाहेरून लवकर तपकिरी होऊन आतून नीट शिजणार नाहीत. त्यामुळे तेलाचे तापमान योग्य असावे.