Shreya Maskar
गरबा लूकसाठी ऑक्सिडाइज्ड ज्वेलरी हा लोकप्रिय पर्याय आहे. मोठे गोल, झुलणारे ऑक्सिडाइज्ड झुमके घागरा-चोळीसोबत सुंदर दिसतात. विशेषतः रंगीत किंवा मिरर वर्क असलेल्या पोशाखावर झुमके उठून दिसतात.
घागरा-चोळीवर मिरर किंवा शीशा वर्क असेल तर त्याच थीमचे झुमके लूक सुंदर दिसतो. छोट्या आरशांचे किंवा रंगीत मिररचे काम असलेले झुमके गरबा नाईटसाठी आकर्षक पर्याय ठरू शकतात.
क्लासिक झुमका कधीही आउट ऑफ स्टाइल होत नाही. पारंपरिक गोल झुमक्यांपासून मोत्यांच्या, छोट्या घंट्यांच्या डिझाइन्सपर्यंत अनेक पर्याय मिळतात. साडी, लहंगा किंवा घागरा-चोळीसोबत हे सहज जुळतात.
चांदबाली आणि गरबा लूक हे एक आकर्षक कॉम्बिनेशन ठरू शकते. मोठ्या आकाराच्या चांदबाली चेहऱ्याला उठाव देतात. मात्र झुमके खूप मोठे असल्यास इतर ज्वेलरी साधी ठेवली तर लूक सुंदर दिसतो.
जर तुम्हाला पारंपरिक आणि रॉयल लूक हवा असेल तर कुंदन किंवा पोल्की पॅटर्नचे झुमके निवडता येतील. हे जड दिसत असल्यामुळे अशा झुमक्यांसोबत नेकलेस किंवा चोकर हलका ठेवणे चांगले.
गरबा हा गुजराती संस्कृतीशी जोडलेला नृत्यप्रकार असल्याने पारंपरिक गुजराती मोटिफ, रंगीत मणी, घंट्या किंवा हस्तकलेच्या डिझाइनचे झुमके घागरा-चोळीसोबत विशेष उठून दिसतात.
मिररसोबत लटकणारे टॅसल किंवा धाग्यांचे काम असलेले झुमके गरबा पोशाखाला फेस्टिव्ह लूक देतात. हे विशेषतः हलक्या वजनाच्या ज्वेलरीला प्राधान्य देणाऱ्यांसाठी पर्याय ठरू शकतात.
लाल, निळा, हिरवा, पिवळा किंवा गुलाबी अशा रंगांचे बीड्स असलेले झुमके साध्या आउटफिटमध्येही रंग भरू शकतात. तुमच्या घागरा-चोळीतील एखादा प्रमुख रंग झुमक्यांमध्ये रिपीट केल्यास लूक अधिक कोऑर्डिनेटेड दिसतो.