Shreya Maskar
पनवेलमध्ये कर्नाळा किल्ला हे ऐतिहासिक ठिकाण आहे. कर्नाळा किल्ल्याला 'फनेल हिल' असेही म्हणतात. पनवेल शहरापासून अवघ्या १० किमी अंतरावर हे ठिकाण आहे.
कर्नाळा पक्षी अभयारण्याच्या आत १५ व्या शतकातील कर्नाळा किल्ला हा डोंगरावरील किल्ला वसलेला आहे, जो १,५०० फूट उंचीवर आहे.
तुम्ही पहिल्यांदाच ट्रेकिंगचा प्लान करत असाल तर कर्नाळा किल्ला उत्तम पर्याय आहे. पावसाळ्यात येथे सुंदर वातावरण पाहायला मिळते.
कर्नाळा किल्ला देवगिरीच्या यादवांनी बांधला होता आणि नंतर तुघलक राज्यकर्त्यांनी त्याचा वापर केला. हा किल्ला 'बोर घाटा'वर लक्ष ठेवण्यासाठी एक महत्त्वाचा बालेकिल्ला होता. बोर घाट हा कोकण किनारपट्टीला दख्खनच्या पठाराशी जोडणारा एक प्रमुख व्यापारी मार्ग आहे.
तुम्ही ट्रेनने पनवेल स्टेशनला पोहचा. त्यानंतर पनवेल स्टेशन बाहेरून रिक्षा किंवा टॅक्सने कर्नाळा पक्षी अभयारण्याला पोहचा. तेथून पुढे चालत कर्नाळा किल्ल्यावर जा.
छत्रपती शिवाजी महाराजांनी १६७० मध्ये कर्नाळा किल्ला जिंकला. हा महत्त्वाचा ऐतिहासिक किल्ला आहे. वीकेंडला तुम्ही येथे मित्रांसोबत नक्कीच ट्रिप प्लान करू शकता.
कर्नाळा किल्ल्याच्या मध्यवर्ती बेसाल्टचा स्तंभ आहे जो वरच्या दिशेने निमुळता होत अंगठ्यासारखा किंवा 'फनेल'सारखा (नरसाळ्यासारखा) आकार घेतो.किल्ल्याचे दोन भाग आहेत, खालचा किल्ला (माची) आणि वरचा बालेकिल्ला.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.