Shreya Maskar
नेहमी नेहमी पिकनिक स्पॉट्सना भेट देण्यापेक्षा मुंबईजवळ असलेल्या ऐतिहासिक ठिकाणांचीही सफर करा, यामुळे तुम्हाला पुन्हा इतिहासाची उजळणी करता येईल.
बेलापूर किल्ला हा नवी मुंबई येथील सीबीडी बेलापूरमध्ये, उरण रोड आणि पाम बीच रोडजवळ वसलेला आहे. मुंबईजवळील हे खूप कमी लोकांना माहीत असलेले ऐतिहासिक ठिकाण आहे.
बेलापूर किल्ला हा १६ व्या शतकातील एक ऐतिहासिक डोंगरी किल्ला आहे. पनवेल आणि पुण्याकडे जाणाऱ्या सागरी आणि जमिनीवरील मार्गांवर नियंत्रण ठेवणारे हे एक महत्त्वाचे मोक्याचे निरीक्षण केंद्र होते.
बेलापूर किल्ल्याची सत्ता चार प्रमुख प्रादेशिक शक्तींच्या सिद्दी, पोर्तुगीज, मराठे आणि ब्रिटिश हातात बदलत राहिली.
१६ व्या शतकात जंजिऱ्याच्या सिद्दींनी हा किल्ला बांधला होता. त्यानंतर पोर्तुगीजांनी तो जिंकून आपल्या ताब्यात घेतला, पुढे मराठ्यांनी तो पुन्हा हस्तगत केला आणि अखेरीस ब्रिटिश ईस्ट इंडिया कंपनीने तो आपल्या ताब्यात घेतला.
असे बोले जाते की, १७३३ मध्ये जेव्हा मराठा सेनापती चिमाजी आप्पा यांनी पोर्तुगीजांकडून हा किल्ला पुन्हा जिंकला, तेव्हा त्यांनी जवळच्या एका मंदिरात बेलच्या पानांची माळ अर्पण करून आपला धार्मिक नवस पूर्ण केला. या घटनेमुळे या ठिकाणाचे नाव 'बेलापूर किल्ला' असे पडले.
पनवेल ट्रेन पकडून बेलापूरला उतरा. तेथून पुढे रिक्षाने तुम्ही बेलापूर किल्ल्यापर्यंत पोहचू शकता. वाटेत तुम्हाला निसर्गाचे सुंदर रुप पाहायला मिळेल.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.