Shreya Maskar
पनवेलजवळी कर्नाळा पक्षी अभयारण्यात ऐतिहासिक किल्ला देखील वसलेला आहे. अनेक रंगीबेरंगी पक्षी येथे पाहायला मिळतात. हिरवेगार जंगलाने हे ठिकाण वेढलेले आहे. तुम्ही येथे ट्रेकिंगचा प्लान करा.
गाडेश्वर तलाव हे लहान टेकड्यांनी वेढलेले आहे. पक्षी निरीक्षणाचा आनंद घ्यायचा असेल तर येथे नक्की फेरफटा मारायला जा.
पावसाळ्यात तुम्हाला स्वर्गाहून सुंदर ठिकाण पाहायचे असेल तर खारघर हिल्स बेस्ट लोकेशन राहील. निसर्गरम्य दृश्ये पाहण्यासाठी आणि मोकळ्या हवेत फिरण्यासाठी येथे परदेशी पर्यटकही येतात.
कलावंतीण दुर्ग येथे ट्रेकिंगचा थरार अनुभवता येतो. खडकात कोरलेला एक प्रसिद्ध आणि अतिशय चढणीचा किल्ला. साहसी पर्यकांसाठी येथे चढाईचा रोमांचक अनुभव मिळतो.
प्रबळगड किल्ला हा कलावंतीण दुर्गाच्या शेजारी असलेला ऐतिहासिक गिरीदुर्ग आहे. ट्रेकर्सना येथून पश्चिम घाटाची विहंगम दृश्ये पाहायला मिळतात.
चंदेरी किल्ल्यावरून इर्शाळगड आणि कर्नाळा यांसारख्या जवळच्या शिखरांची विहंगम दृश्ये दिसतात. वीकेंडला येथे पर्यटकांची गर्दी पाहायला मिळते.
पावसाळ्यात अडाई धबधब्यावर धुक्याची चादर पाहायला मिळते. हे ठिकाण घनदाट जंगलाने वेढलेले आहे. तुम्ही येथे भन्नाट फोटोशूटचा आनंद घेऊ शकता.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.