Sakshi Sunil Jadhav
आजकाल अनेक जण केस गळणे, कोरडेपणा आणि फ्रिझीनेसच्या समस्यांनी वैतागलेत. केमिकलचे प्रॉडक्ट्स, चुकीचा आहार आणि प्रदूषण यामुळे केस कमकुवत होतात. अशावेळी घरगुती आणि नैसर्गिक उपाय जास्त फायदेशीर ठरू शकतात.
केमिकलचे शॅम्पू, हेअर स्टाइलिंग प्रॉडक्ट्स, पोषणाची कमतरता आणि प्रदूषणामुळे केस कोरडे व फ्रिझी होतात. त्यामुळे केस जास्त गळतात आणि तुटतात.
घरगुती कंडिशनरमध्ये केमिकल नसतं. त्याने केसांचं कमी नुकसान होतं आणि नैसर्गिक चमक टिकून राहते.
अॅलोवेरा टाळूला थंडावा देतो, केसांना मॉइश्चर देतो आणि फ्रिझीनेस कमी करण्यास मदत करतो.
२ चमचे अॅलोवेरा जेल घ्या. त्यात १ चमचा नारळाचं तेल, अर्धा चमचा मध आणि थोडं कोमट पाणी मिक्स करा. सर्व मिश्रण चांगले एकत्र करा.
केस धुतल्यानंतर हे ताजे मिश्रण केसांवर लावा. ५-१० मिनिटे ठेवून स्वच्छ पाण्याने धुवा. हे मिश्रण साठवून ठेवू नका.
२ चमचे अॅलोवेरा जेलमध्ये थोडे नारळ तेल आणि १ चमचा गुलाबपाणी मिसळा. शॅम्पूनंतर केसांवर लावून ५ मिनिटांनी धुवा.
दही-मध मिश्रण, केळी आणि ऑलिव्ह ऑइल पॅक, फक्त अॅलोवेरा जेल किंवा अळशीच्या बियांचे जेल हेही उत्तम नैसर्गिक कंडिशनर आहेत.