Sakshi Sunil Jadhav
काही ठिकाणी अवकाळी पाऊसाला सुरुवात झाली. त्यामुळे उन्हाने शेकलेले घाट रस्ते जरा शांतच झाले.
पावसाळा सुरू व्हायला वेळ असताना काही दिवस अगोदरच सह्याद्रीच्या घाटमाथ्यावर निसर्गाने मनमोहक रूप धारण केलंय.
जुन्नर तालुक्यातील ऐतिहासिक नाणेघाट परिसर दाट धुक्याने वेढला गेला असून, इंद्रवज्राचा नजारा पाहण्यासाठी पर्यटकांची गर्दी वाढू लागली आहे.
प्राचीन व्यापारी मार्गासाठी नाणेघाट ओळखतात. तुम्ही येथे ट्रेकिंगसाठी जाऊ शकता. पुण्यापासून १२० किमी अंतरावर तुम्हाला हे दृश्य पाहायला मिळेल.
तुम्हाला अवघड चढनीचा आणि भव्य तटबंदी असलेला किल्ला पाहायचा असेल तर नाणेघाटाजवळच्या जीवधन किल्ल्याला भेट द्या.
इतिहासप्रेमींसाठी शिवनेरी किल्ला हा आवडीचा आणि आकर्षिक किल्ला आहे. जुन्नर शहरापासून फक्त ३ किमी अंतरावर तुम्ही येथे पोहोचू शकता.
डोंगराच्या कड्यामधल्या गुहेत वसलेलं लेण्याद्री गणपती मंदिर धार्मिक आणि पर्यटनदृष्ट्या महत्त्वाचे आहे. इथे सुमारे ३०० हून जास्त पायऱ्या चढून मंदिरात पोहोचावं लागतं.