Sakshi Sunil Jadhav
तुम्हाला रोजचा नाश्ता करून कंटाळा आला असेल तर तुम्ही मक्याच्या उपम्याची रेसिपी एकदा ट्राय करू शकता.
मके तुम्हाला सहज बाजारात मिळतील. हा नाश्ता पौष्टीक आणि नक्कीच लहान मुलांना आवडणारा ठरेल.
पुढील माहितीत आपण याची सोपी रेसिपी जाणून घेणार आहोत. तुम्ही तुमच्या अंदाजानुसार साहित्य कमी जास्त करू शकता.
दोन वाट्या मक्याचे पीठ, ४-५ लाल किंवा हिरव्या मिरच्या, शेंगदाणे किंवा वाटाणे, कांदा, कढीपत्ता, जिरे, मोहरी, हिंग, मीठ, हळद, तेल इ.
सर्वप्रथम मक्याचे पीठजाडसर दळून घ्या. मग ते पीठ कोरडे भाजून घ्या. आता कढईच तेल गरम करून मोहरी, जिरे, हिंग, कढीपत्ता, मिरच्या, कांदा आणि शेंगदाणे, वाटाणे परतून घ्या.
सर्व फोडणी करून पाण्याला उकळी आल्यावर त्यात पीठ घाला.
गुठळ्या होणार नाहीत याची काळजी घ्या. पुढे चवीला साखर, मीठ घाला.
खाताना वरून टोमॅटो, कोथिंबीर, बारीक शेव घालावी आणि लिंबू पिळा. उपमा खूपच चविष्ट लागतो. तो गरमा गरम सर्व्ह करा.