Priya More
नखांमध्ये झालेला बदल कॅन्सर देखील असू शकतो. त्यामुळे वेळीच सावध होणे गरजेचे असते. त्यासाठी तुम्हाला सुरूवाची लक्षणं माहिती असणे गरजेचे आहे.
नखांवर मधोमध किंवा कडेला काळ्या, गडद तपकिरी रंगाची उभी रेषा तयार होते. हळूहळू ही रेषा मोठी होत जाते.
नखाला कोणतिही इजा किंवा दुखापत झालेली नसताना देखील नखाखाली रक्ताची गाठ तयार होते. नखांवर काळा किंवा तपकिरी डाग दिसतो.
नखांचा कॅन्सर झाल्यास नखं ठिसूळ होतात. नखं कमकुवत होऊन तुटतात. कधी कधी नखं तडकतात.
नखांचा कॅन्सर असेल तर नखांच्या शेजारच्या त्वचेचा रंग बदलतो. त्वचेचा रंग काळा किंवा गडद दिसतो.
नखाचा कॅन्सर असल्यास नखं पूर्णपणे निघून जाते. नख त्वचेपासून वेगळे होते किंवा मुळापासून उचलले जाते.
नखांचा कॅन्सर असल्यास नखांच्या कडेला तीव्र वेदना होतात. नखांच्या कडेच्या मासाला सूज येते.
नखांचा कॅन्सर असल्यास नखाखाली छोटीशी गाठ तयार होऊन त्यातून रक्त येते किंवा जखम होऊन ती भरली जात नाही.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत. साम टिव्ही याचं समर्थन करत नाही.