Manasvi Choudhary
श्रावण महिन्याला सुरूवात झाली आहे. नागपंचमी हा सण श्रावणातील पहिला सण आहे. श्रावणातील प्रत्येक सणाला घरोघरी मराठमोळे पदार्थ आवर्जून बनवले जातात. नागपंचमीच्या दिवशी पुरणाचे दिंड ही रेसिपी बनवली जाते.
अस्सल मराठमोळ्या पद्धतीने तुम्ही घरच्या घरी ही रेसिपी सोप्या पद्धतीने बनवू शकता.
दिंड करण्यासाठी चणा डाळ, गूळ, जायफळ पावडर, वेलची पावडर, केशर, गव्हाचे पीठ हे साहित्य तयार ठेवा.
पुरणाचे दिंड बनवण्यासाठी सर्वातआधी चणा डाळ स्वच्छ धुवून घ्या. गॅसवर कुकरमध्ये चणाडाळ शिजवून घ्या.
डाळ शिजल्यानंतर गॅसवर कढईमध्ये गूळ मिक्स करा. नंतर या मिश्रणात उकडून घेतलेली डाळ मिक्स करा.
पुरण तयार करण्यासाठी त्यात जायफळ पावडर, वेलची पावडर, केशर घाला म्हणजे पुरणाला चांगली चव आणि स्वाद येईल. यानंतर पुरण यंत्रामध्ये घालून पुरणाची बारीक पेस्ट करा.
गव्हाचे पीठ कणिक मळून घ्या आणि त्यावर झाकण ठेवा. साधारण १५ ते २० मिनिटांनी कणकेचा गोळा छोट्या आकारात लाटून घ्या.
त्यात पुरण भरा आणि चारही बाजू दुमडून घ्या. अशापद्धतीने दिंड तयार होईल. नंतर इडली पात्र घ्या त्याला तूप लावा. तूप लावल्यानंतर त्यात दिंड ठेवून १० ते १५ मिनिटे वाफवून घ्या.
अशाप्रकारे घरच्या घरी अस्सल पारंपारिक पद्धतीचे दिंड तयार होईल.