Sakshi Sunil Jadhav
नाचणीमध्ये कॅल्शियम, आयर्न आणि फायबर्स मोठ्या प्रमाणात असतात. तसेच उन्हाळ्यात नाचणी खाल्ल्याने शरीराला थंडावा मिळतो.
नाचणी वडी हा एक हेल्दी आणि टेस्टी स्नॅक्स आहे. जो लहानांपासून मोठ्यांपर्यंत सगळ्यांनाच आवडतो. वाचा सोपी रेसिपी.
1 कप नाचणी पीठ, दीड कप गूळ, अर्धा कप पाणी, 2 चमचे तूप, अर्धा चमचा वेलची पूड, 2 चमचे सुका मेवा इ.
सर्वप्रथम कढईत पाणी गरम करून त्यात गूळ घाला आणि पूर्ण विरघळू द्या. गुळाचे पाणी गाळून घ्या. त्याने घाण राहणार नाही.
आता कढईत हे गुळाचे पाणी पुन्हा गरम करा. त्यात हळूहळू नाचणी पीठ घालत सतत ढवळत राहा, गाठी होऊ देऊ नका.
मिश्रण घट्ट होईपर्यंत मध्यम आचेवर शिजवा. त्यात तूप आणि वेलची पूड घालून चांगले मिक्स करा.
शेवटी सुका मेवा घालून मिश्रण एकसारखे करा. तुपाने लावलेल्या ताटात हे मिश्रण पसरवा आणि वरून सपाट करा.
थंड झाल्यावर त्याचे चौकोनी किंवा डायमंड आकारात काप करा आणि वड्यांचा आस्वाद घ्या.