Shreya Maskar
मैसूर मसाला उत्तपा बनवण्यासाठी रेडीमेड डोसा पीठ आणि बटाटा भाजी बनवून घ्यावी.
कांदा, टोमॅटो, हिरवी शिमला मिरची, गाजर, बीटरूट या भाज्या नीट कापून घ्या.
मीठ , तूप, लाल मिरची, लसूण चटणी, नारळाची चटणी, लाल तिखट, चाट मसाला, कोथिंबीर,बटर इत्यादी मसाले लागतील.
सर्वप्रथम एका भांड्यात रेडीमेड डोसा पीठ आणि मीठ घालून सर्व छान एकत्र करून घ्या.
आता एका पॅनवर बटर गरम करून डोसा पीठ गोल आकारामध्ये पसरवून घ्या.
आता यावर बटाट्याची भाजी, कापलेला कांदा, टोमॅटो , शिमला मिरची घालावी.
या मिश्रणात लाल तिखट, चाट मसाला, लसूण चटणी, नारळाची चटणी घाला.
उत्तपा करताना थोडी वाफ येऊ लागली. की, त्यावर थोड पाणी शिंपडा आणि कोथिंबीर घाला. हे सर्व मिश्रण छान मॅश करून घ्या.
आता गाजर आणि बीटरूट किसून उत्तप्यावर टाका. दोन्ही बाजूने उत्तपा शिजवून घ्या.
शेवटी उत्तप्यावर कोथिंबीर टाकून नारळाच्या चटणी सोबत आस्वाद घ्या.