Shreya Maskar
मशरूम टोस्ट बनवण्यासाठी मशरूम, ब्रेड, कांदा, बटर, लसूण, काळी मिरी पावडर, चिली फ्लेक्स, कोथिंबीर, मीठ, चीज आणि मिरची इत्यादी साहित्य लागते.
मशरूम टोस्ट बनवण्यासाठी सर्वप्रथम पॅनमध्ये बटर टाकून त्यात बारीक चिरलेली लसूण आणि कांदा घालून व्यवस्थित लाल होईपर्यंत परतून घ्या.
यात पातळ - लांब मशरूमचे काप मिक्स करा. पाणी निघून जाईपर्यंत मशरूम छान शिजवून घ्या. एक वाफ काढा.
त्यानंतर काळी मिरी पावडर, चवीनुसार मीठ, चिली फ्लेक्स, ओरेगॅनो, हिरव्या मिरचीचे तुकडे घालून मिक्स करा. तुम्ही यात तुमच्या आवडीचे जास्तीचे मसाले देखील टाकू शकता.
पॅन गरम करून त्यात बटर टाकून ब्रेड दोन्ही बाजूंनी भाजून चांगले खरपूस भाजून घ्या. त्यानंतर त्यावर पुदिना चटणी आणि सॉस लावा.
त्यानंतर ब्रेडवर तयार केलेले मशरूमचे सारण छान पसरवा. तसेच भरभरून चीज घाला. शेवटी बारीक चिरलेली कोथिंबीर घालून मशरूम टोस्ट भाजून घ्या.
तुम्हाला आवडत असेल तर यात तुम्ही बारीक पनीरचे काप देखील टाकू शकता. यामुळे मशरूम टोस्ट आणखी हेल्दी होईल.
तुम्हाला वजन कमी करायचे असेल तर आवर्जून नाश्त्याला मशरूम टोस्ट खा.