Sakshi Sunil Jadhav
मुंबई-लातूर हॉलिडे स्पेशल ट्रेनला आता मुरुड स्थानकात थांबा मिळणार आहे.
नवरात्र आणि दिवाळी निमित्ताने ही खास हॉलिडे स्पेशल ट्रेन सुरू करण्यात आली आहे.
मुरुड स्थानकावर तात्पुरत्या स्वरुपात काही दिवसांसाठी थांबा देण्यात आला आहे.
कोरोनाच्या काळात लातूर-मुंबई ट्रेनला मुरुड स्थानकात थांबा होता.
कोरोनानंतर हा थांबा रद्द झाल्यामुळे प्रवाशांना अडचणींचा सामना करावा लागत होता.
स्थानिक प्रवासी व ग्रामस्थांनी तसेच दार विद्यानगर सोसायटीसह विविध संघटनांनी या मागणीसाठी सतत पाठपुरावा केला.
१५ ऑगस्ट रोजी जवळपास १० हजार लोकांनी आंदोलन करून थांब्याची मागणी केली होती.
रेल्वे प्रशासनाने मागणी मान्य करून १७ सप्टेंबरचे आंदोलन मागे घेण्यात आले. मुरुड व मुक्क परिसरातील प्रवाशांना थांबा मिळाल्याने दिलासा आणि आनंदाचे वातावरण निर्माण झाले आहे.