Shreya Maskar
डाएट चिवडा बनवण्यासाठी मुरमुरे, शेंगदाणे, कढीपत्ता, मोहरी, सुकं खोबरं, जिरे, मीठ, हळद, लाल तिखट इत्यादी साहित्य लागते.
डाएट चिवडा बनवण्यासाठी एका पॅनमध्ये शेंगदाणे परतून घ्या. शेंगदाणे छान परतल्यावर त्यात सुक्या खोबऱ्याचे पातळ काप परतून घ्या.
शेंगदाणे आणि खोबरे परतून झाल्यावर एका ताटात काढून घ्या. दुसऱ्या पॅनमध्ये जिरे, मोहरी,कढीपत्ता मिक्स करा.
मग त्यात हळद आणि चवीपुरता मीठ घाला. थोड्या वेळाने गॅस बंद करून त्यात मुरमुरे, शेंगदाणे आणि भाजलेले सुकं खोबरं मिक्स करा.
पुढे मिश्रणात लाल तिखट, चाट मसाला मिक्स करा. तुम्ही यात तुमच्या आवडीचे पदार्थ देखील टाकू शकता.
शेवटी तुपात परतलेला सुकामेवा यात मिक्स करा. तसेच लसूण देखील परतून घ्या. लसूण गोल्डन फ्राय करा.
तुम्ही यात भाजलेले मखाना आणि भाजलेली डाळ देखील टाकू शकता. तयार भेळ हवाबंद डब्यात स्टोर करून ठेवून द्या.
मुरमुरे खाल्ल्याने वजन कमी होण्यास मदत होऊ शकते. कारण यात कॅलरीज खूप कमी असतात आणि पचायला हलके असतात. तसेच त्यात फायबरचे प्रमाण चांगले असल्याने पोट बराच वेळ भरलेले राहते.