Shreya Maskar
येणाऱ्या वीकेंडला डोंबिवलीला पिकनिक प्लान करा. पावसाळ्यात येथे तुफान मजा-मस्ती करता येईल. सुंदर ठिकाणांची नावे नोट करा.
डोंबिवलीजवळ कल्याण येथे दुर्गाडी किल्ला हे ऐतिहासिक ठिकाण आहे. छत्रपती शिवाजी महाराजांनी १७ व्या शतकात बांधलेला हा एक ऐतिहासिक किल्ला आहे. येथून उल्हास नदीचे सुंदर दृश्य दिसते.
डोंबिवली पूर्व येथे महादेव हिल आहे. टेकडीवर छोटीशी भटकंती आणि निसर्गाच्या सानिध्यात वेळ घालवण्यासाठी एक शांत स्थानिक ठिकाण. हे ठाकुर्लीजवळील कचोरे गावात स्थित आहे.
मुंब्रा येथे देसाई खाडी आहे. संध्याकाळच्या शांत फेरफटक्यासाठी आणि पक्षी निरीक्षणासाठी लोकप्रिय असलेला निसर्गरम्य खाडीचा परिसर आहे.
कल्याण येथे गणपती गडद लेणी आहे. घनदाट जंगलात वसलेली प्राचीन आणि नैसर्गिकरीत्या खडकात कोरलेली लेणी येथे पाहायला मिळतात.
कल्याण येथे मलंगगड हे ऐतिहासिक ठिकाण आहे. आव्हानात्मक ट्रेकिंग आणि निसर्गाच्या सानिध्यात वेळ घालवण्यासाठी हे सुंदर आहे. हे ठिकाण डोंबिवलीपासून २५ किमी अंतरावर आहे.
बदलापूर येथे बारवी धरण वसलेले आहे. डोंगर आणि हिरव्यागार जंगलांनी वेढलेले एक विशाल आणि निसर्गरम्य धरण. हे ठिकाण डोंबिवलीपासून ४० किमी अंतरावर आहे.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.