Shreya Maskar
पावसाच्या सरींमुळे निसर्गाचे रुप बदलते. तुम्हाला भर पावसात जवळच ट्रिप प्लान करायची असेल तर वसई उत्तम आहे. येथील सुंदर ठिकाणांची नावे नोट करा.
वसई किल्ला हा १६ व्या शतकातील ऐतिहासिक ठिकाण आहे. विस्तीर्ण परिसरात पसरलेल्या या किल्ल्यावर, भव्य दगडी अवशेष, जुने टेहळणी बुरूज आणि कमानी पाहायला मिळतात.
हिरव्यागार झाडीने सुरुची बीच वेढलेला आहे. येथे बीच क्रिकेट, व्हॉलीबॉल खेळण्यासाठी आणि सुंदर सूर्यास्त पाहण्यासाठी पर्यटक गर्दी करतात.
काळ्या वाळूचा अनोखा पट्टा आणि अत्यंत शांत वातावरण नागाव बीचवर पाहायला मिळते. हा खूपच कमी गर्दी असलेला किनारा आहे.
भुईगाव बीचवरून सूर्यास्ताचा अनोखा नजारा पाहायला मिळतो. येथे पावसाळ्यात तुफान मजा-मस्ती करता येते. तसेच या किनाऱ्यावर फोटोशूटचा आनंद घेऊ शकता.
तुंगारेश्वरच्या डोंगररांगांमध्ये चिंचोटी धबधबा वसलेला आहे. हे ट्रेकिंगचे सुंदर लोकेशन आहे. हिरव्यागार जंगलातून चालत जाऊन एका धबधब्यापर्यंत पोहोचवतो, जिथे तुम्हाला थंडावा मिळतो.
वसई स्टेशनला उतरल्यावर पुढे तुम्ही रिक्षाने किंवा बसने वर सांगितलेल्या सर्व पिकनिक स्पॉट्सवर जाऊ शकता. येथे फिरण्याची मजा औरच आहे.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.