Shreya Maskar
महाराष्ट्रातील रायगड जिल्ह्यात, कोकण किनारपट्टीवर निसर्गरम्य दिवेआगर बीच वसलेला आहे. पावसाळ्यात वीकेंडला तुम्ही येथे ट्रिप प्लान करा.
दिवेआगर बीच हा ५ किलोमीटर लांबीचा स्वच्छ आणि गर्दीविरहित पांढऱ्या वाळूचा किनारा, सौम्य लाटा आणि 'सँड बबल क्रॅब्स' (वाळूतील खेकडे) व स्थलांतरित सी-गल्स (समुद्री पक्षी) यांच्यासाठी प्रसिद्ध आहे.
नारळ आणि सुपारीच्या बागांच्या पार्श्वभूमीवर असलेला एक शांत आणि स्वच्छ बीच आहे. पावसाळ्यात याचे सौंदर्य आणखी खुलते. तसेच तुम्ही येथे भन्नाट फोटोशूटचा आनंद घेऊ शकता.
दिवेआगरला गेल्यावर वॉटर स्पोर्ट्सचा आनंद घ्या. हे ठिकाण पॅरासेलिंग, बनाना बोट राईड, जेट स्कीइंग आणि सर्फिंग यांसारख्या उपक्रमांसाठी लोकप्रिय आहे.
दिवेआगर बीचजवळच सुवर्ण गणेश मंदिर आहे. येथे शुद्ध सोन्याच्या गणेश मूर्ती आहे. हा समुद्रकिनारा नारळ-सुपारीच्या हिरव्यागार बागांनी वेढलेला आहे.
दिवेआगर, श्रीवर्धन आणि हरिहरेश्वर यांना जोडणाऱ्या किनारी महामार्गावरून निसर्गरम्य प्रवासाचा आनंद घ्या.
दिवेआगर बीचजवळ खाण्यापिण्याची आणि राहण्याची उत्तम सोय आहे. तुम्ही येथे पारंपरिक कोकणी सी-फूड (मासे) आणि घरगुती शाकाहारी जेवणाचा आस्वाद घ्या.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.