ब्युरो रिपोर्ट, साम टीव्ही, मुंबई
मुंबई हे स्वप्नांचे शहर आहे, असं म्हटले जाते. मुंबईत अनेक लोक उदरनिर्वाहासाठी येतात.
मुंबईत आल्यावर कोणीच उपाशी राहत नाही. मुंबईत कमी किंमतीत जिभेचे चोचले पुरवणारे पदार्थ तुम्हाला खायला मिळतील.
मुंबईची शान म्हणजे वडापाव. मुंबईतील वडापाव हा जगभरात प्रसिद्ध आहे. प्रत्येक पुथपाथवर वडापावचा स्टॉल पाहायला मिळतोच.
मुंबईच्या रस्त्यावर तसेच रेल्वे स्टेशनवर मिळणारी भेळपुरी सर्वांनाच खूप आवडते.
मुंबईत अनेक ठिकाणी मिसळ पावचे स्टॉल पाहायला मिळतात. कमी पैशात आणि पोटभर मिसळ ही अनेकांना आवडते.
मुंबईतील पाणीपुरी ही सर्वांनाच आवडते. तसेच शेवपुरी, दहीपुरी असे वेगवेगळे पर्यायदेखील चविष्ट लागतात.
मुंबईतील पावभाजी ही खूप प्रसिद्ध आहे. रात्री समुद्रकिनारी मिळणारी पावभाजी ही खूप चविष्ट असते.
मुंबईत अनेक ठिकामी चायनीज फूडचे स्टॉल असतात. या स्टॉलवर तुम्हाला मंच्युरियन, फ्राय राइस असे अनेक पदार्थ मिळतील.