ब्युरो रिपोर्ट, साम टीव्ही, मुंबई
उन्हाळा सुरु झाला म्हणजेच आंब्याचा सीझन सुरु झाला.
उन्हाळ्यात आंब्याचे अनेक पदार्थ घराघरात बनवले जातात. त्यातील एक पदार्थ म्हणजे आंब्याचे पापड.
आंब्याचे पापड खायला अंत्यत चविष्ट असतात. याच पापडाची रेसिपी जाणून घ्या.
आंब्याचे पापड बनवण्यासाठी आंब्याचा गर, साखर, मीठ, लिंबाचा रस आणि पाणी आवश्यक असते.
सर्वप्रथम आंबे पाण्यात भिजत ठेवावे. त्यांची साल काढून घ्यावी.
आंब्याचे तुकडे मिक्सरमध्ये बारिक करा. यानंतर एका कढईत पाणी घाला. त्यात आंब्याचा रस घाला आणि तो मंद आचेवर शिजवून घ्या.
रस शिजल्यानंतर त्यात साखर, मीठ आणि ४ ते ५ थेंब लिंबाचा रस घालून शिजवून घ्या.
यानंतर ताटाला तूप लावून त्यावर हे मिश्रण पसरवा. नंतर हे ताट उन्हात झाकून ठेवा. काही वेळाने आंब्याच्या पापडाचे तुकडे करुन त्यात काळे मीठ टाका.