Manasvi Choudhary
अनेकांना तोंड उघडे ठेवून झोपण्याची सवय असते. थकवा, सर्दीमुळे बंद नाक किंवा घोरण्याची समस्या यामुळे हा त्रास होऊ शकतो.
ही सवय अगदी सामान्य वाटत असली, तरी आरोग्यासाठी घातक ठरू शकते. नियमितपणे तोंड उघडे ठेवून झोपल्यामुळे शरीराला कोणता त्रास होतो ते या वेबस्टोरीतून जाणून घ्या.
झोपताना तोंड उघडे ठेवल्य मुळे तोंडातील लाळेचे प्रमाण कमी होते आणि तोंड कोरडे पडते. लाळ ही तोंडातील बॅक्टेरिया नष्ट करण्याचे काम करते, ती कमी झाल्याने संसर्गाचा धोका वाढतो.
तोंड उघडे ठेवल्याने हवेचा थेट संपर्क घशाशी आल्यामुळे घसा कोरडा पडतो. सकाळी उठल्यावर तीव्र स्वरूपात घसा खवखवणे , गिळताना त्रास होणे किंवा खोकला येण्याचा त्रास होतो.
तोंड उघडे ठेवल्याने तोंडातील लाळ सुकल्यामुळे बॅक्टेरिया वेगाने वाढतात. यामुळे सकाळी उठल्यावर श्वासाला दुर्गंधी सुटणे आणि दातांवर पिवळसर थर साचण्याची समस्या निर्माण होते.
तोंड उघडे ठेवून झोपल्याने दात आणि हिरड्यांवर जिवाणूंचा प्रादुर्भाव वाढतो. यामुळे हिरड्या सुजणे, हिरड्यांमधून रक्त येणे, दात दुखणे आणि दात कमकुवत होण्याचा धोका वाढतो.
सतत तोंडावाटे हवा बाहेर पडल्यामुळे आणि श्वास घेतल्यामुळे ओठांमधील ओलावा नाहीसा होतो, ज्यामुळे ओठ कोरडे होऊन फाटतात.
तोंडातील कोरडेपणामुळे जिभेवर बॅक्टेरिया, मृत पेशी आणि अन्नाचे कण जमा होऊन जिभेवर जाड थर तयार होतो, ज्यामुळे तोंडाची चव बिघडते.
तोंड उघडे ठेवून झोपणाऱ्या व्यक्तींमध्ये घोरण्याची देखील सवय असते यामुळे झोपेत अडथळा येतो.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.