Manasvi Choudhary
आज संपूर्ण देशभरात 'मदर्स डे' साजरा केला होणार आहे. आईप्रती प्रेम, कृतज्ञता व्यक्त करण्याचा आजचा दिवस आहे.
आज तुम्ही आईसाठी खास रेसिपी करू शकता. तिच्याआवडीचे पदार्थ बनवू शकता. घरच्या घरी मटकीची उसळ हा नाश्ता बनवू शकता. मटकीची उसळ ही रेसिपी अत्यंत सोपी आहे.
मटकीची उसळ बनवण्यासाठी मोड आलेली मटकी, कांदा, टोमॅटो, हिरवी मिरची, कढीपत्ता, मसाला, हळद, धने-जिरे पावडर, हिंग, कोथिंबीर, लिंबू, मीठ, तेल हे साहित्य घ्या.
सर्वातआधी कांदा, टोमॅटो, आलं, मिरची बारीक कापून घ्या. गॅसवर कढईमध्ये गरम तेलामध्ये राई, जिरे तडतडल्यानंतर कढीपत्ता मिक्स करू फोडणी द्या.
नंतर या मिश्रणात हिरवी मिरची, आलं आणि हिंग टाकून परतून घ्यावे. बारीक चिरलेला कांदा, टोमॅटो मिक्स करा.
संपूर्ण मिश्रण चांगले परतून घ्या नंतर त्यात मसाले टाकून थोडेसे पाणी घाला. भाजीला चांगली उकळ आली की त्यात तुम्ही मोड आलेली मटकी घाला.
मिश्रणावर झाकण ठेवा. मिश्रण चांगले शिजवून घ्या. मटकी शिजली की तुम्ही त्यावर उसळ मसाला मिक्स करा.
भाजी शिजल्यानंतर त्यात बारीक चिरलेली कोथिंबीर आणि लिंबू मिक्स करा. अशाप्रकारे घरच्या घरी तुमची झणझणीत उसळ तयार आहे.