Shruti Vilas Kadam
रात्रीच्या झोपेनंतर शरीराला पाण्याची गरज असते. त्यामुळे सकाळी उठल्यावर एक ग्लास कोमट पाणी प्यायल्याने शरीरातील पाण्याची कमतरता भरून काढण्यास मदत होते.
दररोज जवळपास एकाच वेळी उठण्याची सवय लावा. यामुळे शरीराचे जैविक घड्याळ सुरळीत सुरु राहते आणि रात्री वेळेवर उठण्यापासून सकाळी पोट साफ होण्यापर्यंत सगळी काम नीट होतात.
सकाळी १० ते १५ मिनिटे चालणे, स्ट्रेचिंग किंवा योगासने केल्याने शरीर सक्रिय होते. नियमित व्यायाम केल्याने मन प्रसन्न राहण्यास आणि दिवसभरातील काम उत्साह होण्यास मदत मिळते.
सकाळच्या कोवळ्या उन्हामुळे शरीराचे जैविक घड्याळ सुरळीत सुरु राहण्यास मदत होते. त्यामुळे झोपेची सायकल नीट सुरु राहण्यास मदत होते.
सकाळच्या नाश्त्यात पोहे, मूग, अंडी, दही, ओट्स किंवा फळांसारख्या पौष्टिक पदार्थ खा. यामध्ये प्रोटिन, फायबर असल्याने पोट भरल्यासारखे राहते.
सकाळी ५ ते १० मिनिटे ध्यान किंवा प्राणायम केल्याने मन शांत राहण्यास आणि एकाग्रता वाढण्यास मदत होऊ शकते. दिवसाची सुरुवात शांतपणे केल्याने दिवस सुरळीत जातो.
सकाळी उठताच सोशल मीडिया, मेसेज आणि बातम्या पाहण्याऐवजी स्वतःसाठी थोडा वेळ द्या. दिवसातील महत्त्वाच्या कामांची यादी तयार करा. यामुळे लक्ष केंद्रित करण्यास मदत होऊ शकते.