Shruti Vilas Kadam
ओट्समध्ये फायबर असते, जे पचन प्रक्रिया मंद करते. यामुळे जेवणानंतर रक्तातील साखर जास्त वाढत नाही. साखर न घालता ओट्स खाणे अधिक फायदेशीर ठरते.
पालक, मेथी आणि इतर हिरव्या पालेभाज्यांमध्ये फायबर, जीवनसत्त्वे आणि खनिजे असतात. यामुळे संतुलित पोषण मिळते आणि वजन नियंत्रणात ठेवण्यास मदत होऊ शकते.
मूग, मसूर, हरभरा आणि राजमामध्ये प्रोटिन व फायबर असतात. त्यामुळे पोट भरल्यासारखे वाटते. नियमित आहारात योग्य प्रमाणात डाळी आणि कडधान्ये घेतल्याने रक्तातील साखर नियंत्रणात राहते.
बदाम, अक्रोड, जवस आणि चिया सिड्समध्ये फायबर आणि हेल्दी फॅट असतात. हे पदार्थ मर्यादित प्रमाणात खाल्ल्यास रक्तातील साखर नियंत्रणात राहते.
ज्वारी, बाजरी, नाचणी आणि संपूर्ण गव्हापासून बनवलेले पदार्थ आहारात समाविष्ट करता येतात. मात्र, केवळ धान्य बदलणे पुरेसे नसून एकूण कार्बोहायड्रेट्सचे प्रमाण कमी करणे गरजेचे आहे.
पेरू, सफरचंद, संत्रे आणि इतर फळांमधून फायबर व जीवनसत्त्वे मिळतात. फळांचा रस पिण्याऐवजी संपूर्ण फळ खाणे अधिक चांगले. मधुमेहाचा धोका असलेल्या व्यक्तींनी एक तरी फळं खावे.
साखर न घातलेले दही, दूध, पनीर आणि इतर योग्य प्रोटिन असलेले पदार्थ संतुलित आहारासाठी उपयुक्त ठरतात. त्यामुळे साखर न घालता दहीचा आहारात नक्की समावेश करावा.