Manasvi Choudhary
केस लांब पाहिजेत असे प्रत्येक महिलेला वाटते यासाठी महिला केसांना चापूनचुपून तेल लावतात. केसांना तेल लावण्याचे अनेक फायदे आहेत. केसांना तेल लावल्याने केसांची वाढ होते. केस लवकर वाढतात.
मात्र तुम्हाला माहितीये का? केसांच्या वाढीसाठी तुम्ही योग्य वेळी केसांना तेल लावणं महत्वाचं आहे.
आयुर्वेदानुसार, रात्रीची वेळ केसांना तेल लावण्यासाठी योग्य मानली जाते. रात्री केसांना तेल लावल्याने टाळूला पोषण मिळते तसेच शांत झोप लागते.
रात्री झोपण्यापूर्वी केसांना तेल लावल्याने डोक्याचे रक्ताभिसरण सुधारते. पोषणतत्वे केसांमध्ये व्यवस्थित पोहचतात.
केसांना तेल लावल्यानंतर केसांचा व्यवस्थित मसाज करा त्यानंतर सौम्य शॅम्पूने केस धुवा म्हणजे केसांची वाढ चांगली होईल.
मात्र तुम्हाला जर रात्री केसांना तेल लावणं शक्य नसेल तर तुम्ही सकाळी केसांना तेल लावू शकता.
सकाळी केसांना तेल लावल्यानंतर केसांची काळजी घ्या. सकाळी केसांना तेल लावल्यानंतर १ ते २ तासांसाठी केस तसेच ठेवा.
जास्तवेळ केसांना तेल लावल्याने केसांमध्ये घाण चिकटू शकते ज्यामुळे केस गळू शकतात.
केसांना तेल लावण्याची वेळच नाही तर तुम्ही कितीवेळा लावता हे देखील महत्वाचे आहे. आठवड्यातून २ ते ३ वेळा केसांना तेल लावणं महत्वाचं आहे. रोज तेल लावल्याने केसांच्या टाळूवरची त्वचा तेलकट होऊ शकते ज्यामुळे पोर्स बंद होतात.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.