Sakshi Sunil Jadhav
रोज नाश्त्याला काय नवीन बनवायचं जे चवीला मस्त कुरकुरीत असेल आणि मुलंही पोटभर खातील असा पर्याय निवडत असाल तर थांबा.
पुढील माहितीत आपण कुरकुरीत मुग डाळीचा डोसा कसा बनवायचा? हे जाणून घेणार आहोत. ही रेसिपी पटकन तयार होते आणि पचायलाही हलकी असते.
मुग डाळ, हिरवी मिरची, आलं, लसूण, मीठ, पाणी, थोडं तेल इत्यादी साहित्य पुरेसं आहे.
मुग डाळ स्वच्छ धुऊन 6-7 तास भिजत ठेवा. जेवढा वेळ भिजत ठेवाल तितकी डोश्याची चव वाढेल.
भिजवलेली डाळ, मिरची, आलं, लसूण घालून मिक्सरमध्ये बारीक वाटा. पीठ थोडं घट्ट ठेवा आणि त्यात मीठ घाला.
डोशासाठी पीठ ना खूप पातळ ना खूप घट्ट ठेवा. योग्य कंसिस्टन्सीमुळे डोसा छान पसरतो.
डोसा बनवण्यासाठी तवा मध्यम आचेवर गरम करा. तव्यावर थोडं तेल लावून पीठ पसरवा.
पीठ गोल फिरवत पसरवा आणि दोन्ही बाजूंनी कुरकुरीत होईपर्यंत भाजा. गरमागरम डोसे नारळाची चटणी किंवा हिरवी चटणीसोबत सर्व्ह करा. तुम्ही सांबारसोबतही हे डोसे खाऊ शकता.
पीठात थोडं रवा किंवा तांदूळाचं पीठ घातल्याने डोसे कुरकुरीत होतात. तसेच तव्यावर पाणी शिंपडून मग डोसा केल्यावर तो चिकटत नाही.