Manasvi Choudhary
टाकळा भाजी घरी बनवण्याची रेसिपी अत्यंत सोपी आहे. तुम्ही घरीच सोप्या पद्धतीने ही रेसिपी ट्राय करू शकता.
टाकळा भाजी बनवण्यासाठी टाकळा, कांदा, हिरवी मिरची, लसूण, जीरे, तुरडाळ किंवा मुगडाळ, लाल मसाला, हळद, तेल, ओलं खोबरे हे साहित्य घ्या.
भाजी बनवण्याआधी टाकळ्याच्या भाजीची कोवळी पाने पाण्यामध्ये स्वच्छ धुवून घ्या आणि बारीक चिरून घ्या.
गॅसवर कढईमध्ये गरम तेलात ठेचलेला लसूण, हिरवी मिरची, भिजवलेली मुगडाळ, मसाला, हळद घालून परतून घ्या.
नंतर या मिश्रणात चिरलेली भाजी टाकून मीठ टाका. झाकण ठेवून भाजी वाफेवर शिजवा.
भाजी शिजल्यानंतर त्यात ओलं खोबरं मिक्स करा म्हणजे गरमागरम भाजी तयार होईल.