Manasvi Choudhary
लाल माठाची भाजी चवदार लागते. आरोग्यासाठी ही भाजी अत्यंत फायदेशीर मानली जाते.
गावरान पद्धतीने तुम्ही घरीच लाल माठाची भाजीची रेसिपी ट्राय करू शकता. लसूण, शेंगदाण्याचा कूट आणि हिरवी मिरची घालून बनवलेली ही भाजी चवदार लागते.
लाल माठाची भाजी बनवण्यासाठी लाल माठ, लसूण, हिरवी मिरची, शेंगदाण्याचा कूट, जिरे, मोहरी, मीठ आणि तेल हे साहित्य एकत्र करा.
सर्वातआधी लाल माठाची भाजी स्वच्छ निवडून धुवून घ्या.
गॅसवर कढईमध्ये गरम तेलामध्ये जिरे, मोहरी आणि लसूण याची फोडणी द्या. फोडणी दिल्यानंतर त्यात हिरवी मिरची कापून टाका.
नंतर या मिश्रणात बारीक चिरलेली लाल माठाची भाजी मिक्स करा भाजी चांगली परतून घ्या.
भाजीवर झाकण ठेवा आणि वाफेवर शिजवा. भाजीमध्ये पाणी मिक्स करू नका.
भाजी शिजली की त्यात चवीनुसार मीठ आणि शेंगदाण्याचा कूट मिक्स करा.
लाल माठाच्या पानांमध्ये आयर्न आणि फॉलिक अॅसिड असते. ज्यामुळे शरीरात हिमोग्लोबिनचे प्रमाण वाढते.
या भाजीमध्ये फायबरचे प्रमाण अधिक असल्याने बद्धकोष्ठता, गॅस, आम्ल यासांरख्या समस्या दूर होण्यासाठी फायदा होतो.
या भाजीमधील व्हिटॅमिन ए आणि अँटिऑक्सिडंट्समुळे डोळ्यांची दृष्टी सुधारण्यासाठी मदत होते. त्वचेसाठी देखील ही भाजी फायदेशीर आहे.