Manasvi Choudhary
खेकडा भजी हा अत्यंत प्रसिद्ध पदार्थ आहे. पावसाळ्यात मस्त गरमा गरम खेकडा भजी खाण्याची मज्जा वेगळीच असते.
खेकडा भजीमध्ये खेकडा नसतो. हा एक व्हेज पदार्थ आहे. कांद्याचे बारीक काप करून त्याची भजी बनवली जातात.
खेकडा भजी बनवण्यासाठी कांदा, बेसन, तांदळाचे पीठ, ओवा, हळद, मसाला, हिंग, हिरवी मिरची, कोथिंबीर आणि मीठ हे साहित्य एकत्र करा.
भजी बनवण्यासाठी सर्वात आधी कांदा लांब बारीक कापा त्यानंतर एका भांड्यामध्ये बेसन, तांदळाचे पीठ, ओवा, हळद, मसाला, हिंग, हिरवी मिरची, कोथिंबीर आणि मीठ हे साहित्य मिक्स करा.
संपूर्ण मिश्रण एकजीव करा आणि १० ते १५ मिनिटे बाजूला ठेवा म्हणजे मिश्रण व्यवस्थित मिक्स होईल.
मिश्रणात पाणी मिक्स करू नका. कांद्याला पाणी सुटल्याने त्यात थोडे बेसन आणि तांदळाचे पीठ मिक्स करा. पाण्याचा वापर न करता ही भजी बनवायची आहेत.
गॅसवर कढईमध्ये गरम तेलामध्ये मिश्रणाचे छोटे छोटे गोळे फ्राय करून घ्या. भजी दोन्ही बाजूंनी कुरकुरीत फ्राय करा.