Manasvi Choudhary
पावसाळ्याला सुरूवात झाली की अळूची भाजी घरोघरी बनवली जाते. अनेकजण ही भाजी आवर्जून खातात. पावसाळ्यात अळूच्या भाजीचे अनेक प्रकार बनवले जाते.
अळूवडी, अळूचे फदफद, अळूची रस्सा भाजी सर्वांनीच खाल्ली असेल तर तुम्ही आता अळूच्या देठांची भाजी बनवा.
अळूच्या देठांची भाजी बनवण्यासाठी रेसिपी अत्यंत सोपी आहे. तुम्ही घरच्या घरी ही सोपी रेसिपी ट्राय करू शकता.
पारंपारिक पद्धतीच्या अळूच्या भाजीमध्ये हरभरा डाळ किंवा शेंगदाण्याचा कूट देखील तुम्ही वापरू शकता.
अळूच्या देठांची भाजी बनवण्यासाठी अळूची कोवळी देठे, चिंचेचा कोळ, गूळ, भिजवलेली चणा डाळ किंवा शेंगदाणे, मोहरी, हिंग, हळद, तिखट आणि मीठ हे साहित्य घ्या.
सर्वात आधी अळूच्या देठांवरील पातळ साल काढून घ्या आणि त्याचे छोटे तुकडे करा. हे तुकडे पाण्यात थोडे मीठ आणि चिंच टाकून उकळून घ्या
गॅसवर कढईमध्ये गरम तेलामध्ये मोहरी, हिंग आणि हळद याची फोडणी द्या. नंतर त्यात उकडलेली देठे, भिजवलेली चणा डाळ, मसाा, मीठ, गूळ आणि चिंचेचा कोळ घालून भाजी चांगली परतून घ्या.
साधारण ५ ते ७ मिनिटे ही भाजी चांगली शिजवून घ्या. अशाप्रकारे घरच्या घरी पारंपारिक पद्धतीची अळूच्या देठांची भाजी तयार होईल.