Manasvi Choudhary
केना ही आरोग्यदायी वनस्पती आहे. पावसाळ्यात शरीराची रोगप्रतिकारशक्ती मजबूत करण्यासाठी केना भाजीचे सेवन केले जाते.
केना भाजीमध्ये व्हिटॅमिन ए, बी, सी, कॅल्शियम, लोह , पोटॅशियम ही पोषणतत्वे अधिक असतात.
केनाची भाजी खाल्ल्याने शरीराचे हाडे मजबूत होतात अशक्तपणा दूर होण्यास मदत होते.
केना भाजी पारंपारिक पद्धतीने बनवण्याची रेसिपी अत्यंत सोपी आहे. तुम्ही घरीच ही भाजी बनवू शकता.
केना भाजी बनवण्यासाठी भाजी, हिरवी मिरची, कांदा, लसूण, ओला खोबरा, शेंगदाण्याचा कूट, तेल, मोहरी, जिरे , तेल आणि मीठ हे साहित्य घ्या.
भाजी बनवण्यासाठी सर्वातआधी भाजी स्वच्छ निवडून धुवून घ्या. त्यानंतर ती चाळणीत निथळत ठेवा.
त्यानंतर भाजी बारीक चिरून घ्या.
गॅसवर कढईत गरम तेलामध्ये मोहरी आणि जिरे, ठेचलेला लसूण आणि हिरवी मिरची घालून परतून घ्या.
मिश्रणात बारीक चिरलेला कांदा चांगला परतून घ्या. कांदा सोनेरी रंगाचा झाला की त्यात बारीक चिरलेली केना भाजी टाका
भाजी थोडी शिजली की त्यात शेंगदाण्याचा कूट मिक्स करा नंतर त्यात चवीनुसार मीठ टाका आणि भाजीवर झाकण ठेवा.
अशाप्रकारे घरच्या घरी हेल्दी आणि टेस्टी केना भाजी तयार होईल.