Manasvi Choudhary
पावसाळ्यात सर्दी, खोकला आणि इन्फेक्शनचा धोका अधिक असतो. अशावेळी शरीराची प्रतिकारशक्ती वाढवण्यासाठी गरम आणि पौष्टिक पदार्थांचे सेवन केले जाते.
पालक आणि कॉर्न सूप हे चव आणि पोषण या दोन्हीसाठी उत्तम मानले जाते. पालक पालेभाजी आणि मका एकत्र करून तयार केलेले हे गरमागरम सूप तुम्ही घरच्या घरी अतिशय सोप्या पद्धतीने बनवू शकता.
सूप बनवण्यासाठी पालक, मक्याचे दाणे, बटर, लसूण, दूध किंवा पाणी, मिरी पावडर हे साहित्य घ्या.
सर्वात आधी पालक स्वच्छ साफ करून घ्या. त्यानंतर तो शिजवून घ्या आणि मिक्सरमध्ये त्याची बारीक पेस्ट तयार करा.
गॅसवर कढईमध्ये बटर घाला. बटर वितळल्यावर त्यात बारीक चिरलेला लसूण आणि उकडलेले मक्याचे दाणे घाला. हे मिश्रण व्यवस्थित परतून घ्या.
मका आणि लसूण चांगले परतून झाल्यावर, त्यामध्ये तयार केलेली पालकची पेस्ट घाला आणि सर्व मिश्रण एकत्र करा.
या मिश्रणात थोडे दूध किंवा पाणी मिक्स करा. दुधामुळे सूपला छान चव येते.
सूपला चांगली उकळी आली की, त्यात चवीनुसार मिरी पावडर आणि मीठ मिक्स करा. गरमागरम आणि पौष्टिक पालक-मक्याचे सूप तयार आहे!