Manasvi Choudhary
पावसाळ्यात गरमा गरम सूप पिण्याची मज्जा काहीशी वेगळीच असते. त्यात कॉर्न सूप असेल तर आरोग्यासाठीही फायदा होतो.
कॉर्न सूप बनवण्यासाठी कॉर्न दाणे, गाजर, सिमला मिरची, कोबी, तेल, बटर, लसूण, काळी मिरी पावडर, साखर हे साहित्य घ्या.
कॉर्न सूप बनवण्यासाठी सर्वातआधी गाजर, सिमला मिरची, कोबी या भाज्या बारीक चिरून घ्या.
गॅसवर कढईत गरम तेलामध्ये बटर टाका. बटर विरघळले की त्यात लसूण परतून घ्या त्यानंतर त्यात कॉर्न दाणे टाका आणि चांगले परतून घ्या.
कॉर्न चांगले परतून घेतल्यानंतर त्यातील थोडे कॉर्नची मिक्सरमध्ये बारीक पेस्ट करा.
गॅसवर कढईमध्ये पुन्हा बारीक चिरलेली कोबी, सिमला, गाजर आणि कॉर्नची पेस्ट मिक्स करून मिश्रण चांगले परतून घ्या.
सूपच्या या मिश्रणात काळे मिरी पावडर, साखर, मीठ घालून चांगले उकळून घ्या. नंतर यात १ चमचा कॉर्नफ्लोअर मिक्स करा.
मिश्रणाला चांगली उकळी आल्यानंतर गरमा गरम कॉर्न सूप तयार होईल.