Manasvi Choudhary
पावसाळा सुरू झाला की आठवण येते ती गरमागरम पदार्थांची. महाराष्ट्रात पाऊस म्हटलं की कांदा भजी आणि चहा हे समीकरण पाहायला मिळते.
मात्र अनेकांना साऊथ इंडियन पदार्थांची खाण्याची आवड असते. दक्षिण भारतीय खाद्यपदार्थ म्हटले की आपल्याला ओठवते ती म्हणजे नेहमीची इडली किंवा साधा डोसा.
पण तुम्हाला माहितीये का? फक्त इडली, डोसा नाही तर साऊथ इंडियन हे 6 पदार्थ तुम्ही यंदा पावसाळ्यात नाश्त्याला ट्राय करू शकता.
रिमझिम पावसात गरमागरम मेदूवडा, ओल्या नारळाची चटणी खाण्याची मज्जा काही वेगळीच असते. उडीद डाळीपासून बनवला जाणारा मेदूवडा कुरकुरीत असतो.
पावसाळ्यात हलका फुलका नाश्ता करायचा असेल तर तुम्ही रवा इडली नक्की ट्राय करू शकता. रवा इडलीसाठी पीठ आंबवावे लागत नाही. ही झटपट बनणारी रेसिपी आहे.
डोश्यासारखा बनणारा हा पदार्थ म्हणजे उत्तपम अत्यंत चविष्ट लागतो. कांदा, टोमॅटो, गाजर, कोथिंबीर आणि हिरवी मिरची या भाज्यांचे मिश्रणत यात असते.
पावसाळ्यात तुम्हालाही चटपटीत गरमागरम पदार्थ खायचा असेल तर तुम्ही लेमन राईस ट्राय करू शकता. साऊथ इंडियन ही प्रसिद्ध डिश आहे. मोहरी, कढीपत्ता, शेंगदाणे, हिरवी मिरची आणि लिंबाचा रस घालून हा भात तयार केला जातो.
नाश्त्याला कुरकुरीत दाल वडा खाण्याची मज्जा काही वेगळीच असते. कुरकुरीत दाल वडा तुम्ही घरी देखील बनवू शकता. अत्यंत सोप्या पद्धतीने दाल वडा तुम्ही बनवू शकता.