Shruti Vilas Kadam
मैदा – २ कप, कोबी – १ कप बारीक चिरलेला, गाजर – ½ कप बारीक चिरलेले, कांदा – १ बारीक चिरलेला, शिमला मिरची – ½ कप बारीक चिरलेली, आले-लसूण – १ चमचा बारीक चिरलेले, सोया सॉस – १ चमचा, काळी मिरी पूड – ½ चमचा, मीठ – चवीनुसार, तेल – १-२ चमचे, पाणी – आवश्यकतेनुसार
एका भांड्यात मैदा, थोडे मीठ आणि तेल घ्या. पाणी घालून मऊसर पीठ मळून घ्या. पीठ झाकून १५ ते २० मिनिटे ठेवा.
कोबी, गाजर, कांदा आणि शिमला मिरची बारीक चिरून घ्या. कढईत थोडे तेल गरम करून लसूण आणि आले परतून घ्या.
त्यात चिरलेल्या भाज्या घालून मोठ्या आचेवर काही मिनिटे परता. चवीनुसार मीठ, काळी मिरी आणि सोया सॉस घालून मिश्रण तयार करा.
तयार पीठाचे छोटे गोळे करून त्याच्या पातळ पुऱ्या लाटून घ्या. पुरी फार जाड किंवा फार पातळ नसावी.
प्रत्येक पुरीच्या मध्यभागी तयार केलेले भाजीचे सारण ठेवा. पुरीच्या कडा एकत्र करून मोमोजला आकर्षक आकार द्या आणि घट्ट बंद करा.
स्टीमरमध्ये पाणी उकळायला ठेवा. मोमोज स्टीमर प्लेटवर ठेवून साधारण १० ते १२ मिनिटे वाफवून घ्या. गरमागरम मोमोज लाल तिखट चटणी किंवा मोमोज सॉससोबत सर्व्ह करा. घरच्या घरी तयार केलेले मोमोज स्नॅक्ससाठी उत्तम पर्याय ठरतील.