Shruti Vilas Kadam
मैदा – २ कप, कॉर्नफ्लोअर – २ टेबलस्पून, मीठ – चवीनुसार, पाणी – मळण्यासाठी, कोबी – १, कप (बारीक चिरलेली), गाजर – ½ कप (किसलेले), कांदा – १ (ऐच्छिक), आलं-लसूण पेस्ट – १ टीस्पून, सोया सॉस – १ टीस्पून, मिरी पूड – ½ टीस्पून, तेल – १ टीस्पून
मैदा, कॉर्नफ्लोअर आणि मीठ एकत्र करून पाणी घालत मऊ पीठ मळा. झाकून २० मिनिटे ठेवा.
कढईत थोडे तेल गरम करून आलं-लसूण परता. त्यात कोबी, गाजर, कांदा घालून २–३ मिनिटे परता. सोया सॉस, मीठ, मिरी घालून गॅस बंद करा.
पीठाच्या लहान गोळ्या करून पातळ पोळ्या लाटा. मध्यभागी स्टफिंग ठेवून कडा घडी घालून मोमो बंद करा.
स्टीमरमध्ये किंवा चाळणीवर मोमो ठेवून १०–१२ मिनिटे वाफवा. मोमो चमकदार झाले की तयार.
टोमॅटो – ३ (उकडलेले), सुक्या लाल मिरच्या – ३–४, लसूण – ४ पाकळ्या, मीठ – चवीनुसार, व्हिनेगर किंवा लिंबाचा रस – १ टीस्पून, सगळे साहित्य मिक्सरमध्ये वाटून घ्या. हवी असल्यास थोडे पाणी घाला.
गरम मोमो तिखट चटणीसोबत सर्व्ह करा. वरून थोडा तीळ किंवा कोथिंबीर टाकू शकता.