Manasvi Choudhary
पावसाळ्यात शरीराची इम्युनिटी वाढवण्यासाठी पौष्टिक पदार्थांचे सेवन केले जाते यासाठी तुम्ही गरमा गरम सूप देखील पिऊ शकता. बाजारातील पॅकेटबंद सूप पिण्यापेक्षा ताज्या भाज्यांचे सूप तुम्ही घरच्या घरी बनवू शकता.
मिक्स व्हेजिटेबल सूप शरीरासाठी अत्यंत गुणकारी आहे. तुम्ही घरच्या घरी सोप्या पद्धतीने हे सूप बनवू शकता.
मिक्स व्हेजिटेबल सूप बनवण्यासाठी गाजर, कोबी, मटार, लसूण, आलं, बटर, तूप, काळी मिरी पावडर, कॉर्नफ्लॉअर, मीठ, पाणी हे साहित्य घ्या.
सूप बनवण्यासाठी सर्वातआधी गॅसवर कढईत बटर किंवा तूप गरम करून त्यात बारीक चिरलेला लसूण आणि आलं चांगलं परतून घ्या.
नंतर त्यात गाजर, कोबी, बीन्स आणि मटार या भाज्या चांगल्या परतून घ्या.
मिश्रणात पाणी मिक्स करून त्यात चवीनुसार मीठ व काळी मिरी पावडर मिक्स करा. गॅसवर मध्यम आचेवर सूपला चांगली उकळी येऊ द्या म्हणजे भाज्या व्यवस्थित शिजतील.
सूप तुम्हाला घट्ट हवे असल्यास एका छोट्या वाटीत पाण्यामध्ये कॉर्नफ्लॉवर मिक्स करून ती सूपमध्ये मिक्स करा.
मिश्रणाला चांगली उकळी आली की गरमा गरम सूप घरच्या घरी तयार होईल.